ДУШАНБЕ: СЕМИНАРИ ФАО БАРОИ ДАСТГИРИИ ИСТЕҲСОЛИ КАРТОШКА ДАР ТОҶИКИСТОН
Дар Душанбе 11 феврали соли 2022 (Меҳмонхонаи «Серена») бо иштироки намояндагони Вазорати кишоварзии Ҷумҳурии Тоҷикистон, кооперативҳо, академияҳо, созмонҳои байналмилалӣ ва дигар ташкилотҳои манфиатдор (беш аз 20 нафар) семинар доир гардид.
Семинар бо намояндаи ФАО дар Тоҷикистон дар якҷоягӣ бо Вазорати кишоварзии Ҷумҳурии Тоҷикистон ташкил кардаа шудааст.
Сухани ифтитоҳӣ дар семинар аз ҷониби Набиев Фаррухиддин Амурдинович, сардори Раёсати зироаткории Вазорати кишоварзии Ҷумҳурии Тоҷикистон ва Иброҳим Ахмадов, Намояндаи ФАО дар Тоҷикистон, раиси семинар шуд.
Ҳамчунин, Бобозода Бақохоҷа, директори Институти ботаника, физиология ва генетикаи растаниҳои АМИТ бо сухани ифтитоҳӣ ба ҳозирин муроҷиат кард. Институт дар лоиҳаи дар боло зикршуда хамчун таъминкунандаи хизматрасонй роли калон мебозад.
Дар он инчунин намояндагони муассисахои номбурда, Комиссияи санҷиши навъҳои Тоҷикистон ва кооперативи истеҳсоли картошкаи ноҳияи Нуробод иштирок доштанд.
Корманди пешбари техникии ФАО (LTO) Вилями Факава ва инчунин роҳбари намояндагии ФАО дар Тоҷикистон Олег Гучгелдиев низ бо ҳозирин тариқи онлайн сӯҳбат карданд.
Олимони институти ботаника, физиология ва генетикаи растанихо, проф. К.А. Алиев, доктор К.Партоев, коршиноси байналмилалии лоиҳа доктор Лукас Бертшингер ва мутахассиси ФАО дар Тоҷикистон Маъруфқул Маҳкамов дар бораи картошка дар Тоҷикистон маърӯза намуда, барои татбиқи бомуваффақияти лоиҳа тавсияҳо доданд.
Дар кисми амалии семинар иштирокчиён ба ду гурух таксим шуда, лоиха ва тавсияхои пешниходшударо мухокима намуданд.
Дар натиҷаи муҳокима иштирокчиёни семинар барои татбиқи лоиҳа ноҳияҳои Нуробод, Точикобод ва Лахшро, ки дар водии Рашт дар баландии 1300, 1500 ва 2000 метр аз сатҳи баҳр воқеъ гардидаанд, муайян карда шуданд.
Дар ин участкахои намоишй се навъи картошка шинонда мешавад. Навъхои «Точикистон», «Ред-Чарлед» ва «Пикассо» пешниход карда шудаанд. Аммо ин ҳанӯз тавассути муҳокимаи гурӯҳи лоиҳа ва фермерҳои пешқадам дар қитъаҳои намоишӣ тасдиқ карда нашудааст. Қарор шуд, ки 25-30 картошкапарварони деҳот дар ҳар як ноҳия ба омӯзиши саҳроӣ ва табодули дониш оид ба таҷрибаҳои идоракунии картошка ҷалб карда шаванд, то ҳосили баланди картошка ба таври устувор ба даст оранд. Ҳар як қитъаро фермерҳои (инструкторони) омӯзонидашуда дар он қитъа ҳамоҳанг мекунанд. Аз тарафи дигар, ин тренерҳо аз ҷониби намояндагони лоиҳа пеш аз оғози фаъолиятҳо дар се макони намоишӣ омӯзонида мешаванд.
Иштирокчиёни семинар қайд карданд, ки тағирёбии иқлим ҳоло таҳдиди афзоянда барои ноил шудан ба ҳадафҳои рушди устувори СММ мебошад. Аз ин рӯ, ҳангоми ба нақша гирифтани семинарҳои таълимӣ дар ҷойҳои намоишӣ, тағирёбии иқлимро ба назар гирифтан, инчунин дар бораи агроэкология бештар омӯхтан лозим аст. Агроэкология консепсияи мукаммалест, ки аз ҷониби ФАО барои баланд бардоштани устувори ҳосилнокии хоҷагиҳои хурд ва умуман кишоварзӣ, инчунин барои беҳтар кардани некӯаҳволии деҳот сахт дастгирӣ мешавад.
Дар рафти семинар ҳамаи иштирокчиёни имкон доштанд, ки дониш ва малакаҳои худро барои татбиқи бомуваффақияти лоиҳаи пешниҳодшуда мубодила кунанд.
Курбоналӣ ПАРТОЕВ, мудири лабораториям генетика ва селекцияи растанихои Институти ботаника, физиология ва генетикаи растании АМИТ, д.и.к. матбааи фахрии РСС Тоҷикистон.